Njëjtë siç bëri me drejtuesit e Hipotekave, kryeministri Edi Rama veproi edhe me drejtorët e spitaleve në Shqipëri.
Ai i thirri në një takim në kryeministri, për t’i deklaruar se janë të larguar nga puna.
Rama tha se niveli i menaxhimit të spitaleve lë për të dëshiruar, është i papranueshëm dhe se shërbimi ndaj qytetarëve nuk ka qenë aty ku duhet.
“Largimi i të gjithë drejtuesve aktualë të spitaleve e të institucioneve të shëndetit publik, dhe afirmim i një profili të ri drejtuesi menaxher në shërbimin spitalor përmes konkurseve publike për çdo drejtori spitali dhe institucion të shëndetit publik në Republikën e Shqipërisë”, tha Rama.
“Asgjë nuk e justifikon dhe asgjë nuk e kapërcen dot ndjenjën e turpit për shtetin që spitalet të mos jenë shembuj pastërtie dhe higjiene. Kjo është A-ja për çdo mjedis të shërbimit publik. Dhe për spitale kjo është A-ja me e madhe. Përgjegjësinë për këtë e kanë drejtorët e spitaleve. Drejtorët e spitaleve pis dhe mjediset e spitaleve pis”, u shpreh kryeministri.
ERTV Live?: Rritja e cilësisë së shërbimit shëndetësor, kalon përmes thellimit me kurajo e vendosmëri të reformës së sistemit të shëndetësisë.
1. Ristrukturim tërësor i organizimit në territor të institucioneve të shëndetit publik
2. Largim i të gjithë drejtuesve aktualë të spitaleve e të institucioneve të shëndetit publik, dhe afirmim i një profili të ri drejtuesi menaxher në shërbimin spitalor përmes konkurseve publike për çdo drejtori spitali dhe institucion të shëndetit publik në Republikën e Shqipërisë
3. Fuqizim i mbështetjes financiare për specialistët që angazhohen jashtë Tiranës
4. Nisja e procesit për jetësimin e Autonomisë Spitalore
5. Struktura dhe mekanizma të reja shërbimi përmes partneritetit publik – privat
Posted by Edi Rama on Monday, July 31, 2017