Qendra Klinike Universitare e Kosovës ka sqaruar opinionin në lidhje me zbarkimin e një helikopteri të KFOR-it në oborrin e Klinikës Emergjente.
QKUK ka bërë të ditur se bëhet fjalë për një ushtrim të përbashkët fushor për reagim në situata emergjente. Ky ushtrim do të vazhdojë edhe nesër.
Sqarimi i plotë:
Klinika Emergjente dhe KFOR-ri, organizuan ushtrim të përbashkët fushor
Klinika Emergjente e Shërbimit Spitalor dhe Klinik Universitar të Kosovës, në kuadër të bashkëpunimit me KFOR, ka mbajtur ushtrim fushor për reagim në situata emergjente.
Gjatë ushtrimit është improvizuar një rast me lëndime në gjoks dhe krahë dhe është testuar reagimi i klinikës në raste të tilla.
KFOR, ka sjellë një helikopter përmes së cilit është improvizuar ardhja e rasteve me lëndime dhe vlerësimi ka qenë maksimal për ekipet emergjente.
U premtua se në rast të situatave emergjente, KFOR do të përkrahë me helikopter, për të sjellë të lënduarit.
Testimet e tilla do të vazhdojnë edhe ditën e nesërme nga ora 9:30 deri në 12:00.