Nuk tregoi se ishte shtatzënë, këngëtarja shqiptare tregon peripecitë që pati deri te foshnja

2019-01-11 në ora 19:58

Këngëtarja e njohur e muzikës moderne qytetare, Maya u bë nënë për herë të parë gjatë muajit dhjetor me një vogëlush, të cilin e pagëzoi me emrin Jonas.

Këngëtarja vendosi që pritjen e ëmbël ta mbajë sa më larg vëmendjes mediatike dhe duket se për këtë ka pasur një arsye të fortë.

Gjatë një intervistë për emisionin “Lartë e Poshtë”, ajo ka zbuluar se më herët ka treguar që në muajt e parë që është shtatzënë dhe nuk ka arritur ta çojë deri në fund rrugëtimin.

“Dëshiroja që shtatzëninë ta mbaja larg vëmendjes së mediave, jo për të surprizuar botën, por për merak. Ky supersticion më ka ardhur nga e kaluara. Kjo të vjen nëse ti je munduar më herët që të bësh diçka dhe nuk ke pasur gjithmonë rezultat.
(Për të mësuar më shumë për komplikimet në shtatzëni Klikoni KËTU)

Njerëzit më të vjetër më kanë thënë që të mos e tregoj sepse derisa fëmija të bëjë 3-4 muaj nuk duhet folur. Ndërsa më herët unë sa ngelja shtatzënë e tregoja direkt”,- u shpreh këngëtarja.

Ky supersticion ka ekzistuar që në lashtësi dhe me sa duket në rastin e këngëtares paska rezultuar i vërtetë.

Leave a Reply

Your email address will not be published. Required fields are marked *