Ismaili thotë se do të angazhojë ekspertë ndërkombëtarë për shëndetësinë

2017-09-17 në ora 19:28

Ministri i Shëndetësisë, Uran Ismaili, ka paralajmëruar angazhimin e ekspertëve ndërkombëtarë për të rregulluar punët në sistemin e shëndetësisë në Kosovë.

Këtë e ka bërë të ditur nëpërmjet një postimi në facebook, transmeton Gazeta Shneta.

“Kënaqësi e jashtëzakonshme takimi dhe kafeja sot në Tiranë me profesorin tim Ricardo Hausmann, i cili është edhe një ekonomist i shquar në Universitetin e Harvardit”.

“Të vlefshme ishin këshillat e tij në betejën tonë për ta kthyer mbarë shëndetësinë kosovare, në të cilën do të na bashkohen edhe ekspertë ndërkombëtarë”, ka shkruar ai.

Ismaili është zgjedhur ministër në Qeverinë Haradinaj e themeluar para pak ditësh.

Pas dy ditësh ai u përball me skandalin e vdekjen e dyshimtë të 3 pacientëve në QKUK, të cilën është duke e hetuar edhe prokuroria.

Ismaili ka thënë se do të ndërmarr masa ndëshkuese për zyrtarët që kanë keqmenaxhuar me situatën. /Gazeta Shneta/

Leave a Reply

Your email address will not be published. Required fields are marked *