Specialisti i Biokimisë, Sadik Gashi, ka bërë një prezantim para specializantëve të klinikave të QKUK-së.
Gashi ka deklaruar se analizat që bëhen në QKUK, nuk i njohin as shtetet e rajonit si Shqipëria, Mali i Zi apo Maqedonia.
Gashi ka gjetur mjaft dobësi në klinikën e Biokimisë mjekësore, duke thënë se ka mungesë të trajnimit profesional dhe kryerja e analizave është minimale.
Edhe Shkendije Tahiraj i është dashur të presë 5 vite për të kryer punën si specialiste.
“Janë kuadrot dhe nuk u jepet mundësia ta ushtrojnë profesionin e tyre. Kjo gjendje është shumë e keqe”, ka deklaruar Tahiraj.
Anëtari i Bordit të SHSKUK-së, Shemsi Veseli, fajin për këtë gjendje ia ka hedhur Ministrisë së Shëndetësisë dhe Qeverisë.
“Nuk është faji i kolegëve, por i Ministrisë së Shëndetësisë dhe Qeverisë për mungesë të menaxhimit të aspektin e buxhetit”, ka deklaruar Veseli.
E Faik Hoti nga MSH-ja ka deklaruar se së shpejti do të hapet konkursi për specialistët nëpër të gjitha klinikat. /KlanKosova